| ГЛАВНО МЕНИ |
Општи информации
Деловни информации
Информации за локалната самоуправа
|
|
 |
|
Споменично наследство
|
|
Народни носии во Прилепско
Народната носија во пределот Поле (Прилепско,
Битолско), голем рамничарски предел во средниот дел на
Брсјачката етничка област, по бројноста на облеките и нивното
украсување е нозната по тоа што во минатото била една од
најдекоративните, но во исто време и најтешките носии што ги носеле
жените во Македонија.
Долгите платнени туниковидни кошули се украсени со густо извезени мотиви во разни
бон, меѓу кои доминира црвената во сите нијанси. Богатството и
разновидноста на извезените мотиви, нивната складност и прецизност,
ги карактеризираат везбените украси како едни од најубавите и
најдекоративните во Македонија.
Платнената летна саја и зимскиот волнен бел клашеник, украсени со извезени мотиви,
срма и монистра, ткаената волнена, ситно орнаментирана скутина -
опрегач, усогласени по боја, начин на украсување и орнаментика,
чинат една целина со останатите делови на носијата.
Зимска облека е валанка, изработена е од дебела црна клашна, украсена со
карактеристични украси од гајтани, ширити и монистра. Волнени,
плетени, вкусно шарени чорапи и калци (волнени чорапи без
стапало), со опинци, го оформуваат обувањето на нозете.
Најдекоративна и највпечатлива е невестинската носија, со посебно украсената
невестинска скутина чултар, украсот коцле од
волнени црни рески, извезената покривка за глава обрус, чии
ткаени краишта се со декоративна геометриска орнаментика и рески, и
специјалната богато извезена покривка за глава сокај. Во
обликувањето на облеките импресионира богатиот народен вез во
карактеристична гобленска техника, со изобилно богатство на форми и
доминантна црвена боја. И народниот накит, масивен, разновиден и
многуброен, ја дополнува целокупната носија, придавајќи
ì посебна декоративност.
Машката носија во Прилепско - Битолското Поле ја сочинуваат бројни облеки: аба
- од бела тенка волнена ткаенина, кошула од платно со везени украси,
џамадан од црна клашна, појас ткаен од темно црвена волна,
како и ресачка - горна облека од црна клашна, долга до колена.
Специфичност на носијата од овој регион е употребата на скутина -
унечка, како составен дел на машката носија.
Зимската машка носија е сета од волнена валанаткаенина шаек,
порано во бела, потоа во црна, а како моден тренд, особено за
помладите, во темноцрвена боја. Бројните облеки што влегуваат во
составот на оваа носија - минтан, елек, џамадан, бечви -
украсени со црни оптоки, се дополнуваат со разнобојниот
пругасто - шарен волнен појас. На нозете се носат волнени, плетени
чорапи и кожни чевли, а на главата шубара од јагнешка кожа.
Народните везови од Прилепско поле
|
|
"Ракавче лозено", невестинско - додатни ракави од "саја" ( женска горна
облека). Везено со "аловна", "ѓувезна" и црна волна. Мотивите оцртани
("наклавани") со жолта срма. Техники: "лозено-полнето",
"травци". Мотив "крстои".
Прилепско Поле, крајот на 19. век. Дим. 26 * 25 см
|
| |
|
|
"Ракавче лозено" - додатни ракави од женска празнична "саја" (горна облека). Везено со "аловна",
"ѓувезна" и црна волна. Техника "лозено-полнето". Мотиви: "шапки" и
"клучиња".
Прилепско Поле, крајот на 19. век. Дим. 27 * 27 см
|
| |
|
|
"Ракавче писано" - додатни ракави од женска празнична "саја" (горна облека). Везено со
"аловна", "ѓувезна" и жолта волна, бела и жолта срма. Техники:
"писано", "синџиречко", "сукан трашец". Мотиви: "колца".
Прилепско Поле, крајот на 19. век. Дим. 25 * 28 см
|
| |
|
|
Вез од долен дел на женска кошула ("пола" и "пореборник" со "околеш"). Работени со
волна во бои: "аловна", "ѓувезна", црна и жолта. Техники:
"лозено-полнето", "травци".
С. Костинци, Прилепско Поле, крајот на 19. век. Дим. 11 * 36 см.; 9 * 23 см.
|
| |
|
|
"Ракавче грабено" - додатни ракави од "саја" (горна облека) за постара жена.
Везено со "аловна", "ѓувезна" црна и зелена волна. Техника: "грабено".
Мотив: "едно колце".
Прилепско Поле, крајот на 19. век. Дим. 23 * 31 см
|
| |
|
|
Јака ("корил") и вез за на гради ("предници") од женска кошула. Везени
со "аловна", "ѓувезна" и црна волна. Техника: "полнеж".
Прилепско Поле, поч. на ХХ век. Дим. 37 * 7 см.; 14 * 40 см
|
| |
|
|
Вез од долен дел на женска кошула ("пола" и "пореборник" со "околеш"). Работени со
волна во бои: "аловна", "ѓувезна", црна и жолта. Техники:
"лозено-полнето", "травци".
С. Костинци, Прилепско Поле, крајот на 19. век. Дим. 11 * 36 см.; 9 * 23 см.
|
|
|
|
|
|
